მუბარაკის მომხრეები და მოწინააღმდეგეები ერთმანეთს დაუპირისპირდნენ

ეგვიპტის დედაქალაქი ისევ არეულობამ მოიცვა. კაიროს ცენტრში ერთმანეთს
პრეზიდენტის მომხრეები და ოპოზიციის მხარდამჭერები დაუპირისპირდნენ.

პრეზიდენტის მომხრეები ტაჰრირის მოედანზე შეიჭრნენ, სადაც უკვე მერვე
დღეა ასი ათასობით ეგვიპტელი მუბარაქის გადადგომის მოთხოვნით აქციებს
მართავს. პრეზიდენტის მხარდამჭერებმა ოპონენტების ბარიკადების დაშლა
დაიწყეს და მათ ანტისამთავრობო პლაკატები წაართვეს, რასაც მოედანზე ჩხუბი
და შეტაკებები მოჰყვა.

მედიის ინფორმაციით, არიან დაშავებულებიც, მათ შორის ტელეკომპანია ”ალ
არაბიას” გადამღები ჯგუფი. დაპირისპირებულების გაშველებას არმიის
ქვედანაყოფები ცდილობენ და დემონსტრანტებს დაშლისკენ მოუწოდებენ.