პოლიციამ თაღლითობაში ეჭვმიტანილი დააკავა

ძველი თბილისის პოლიციის სამმართველოს თანამშრომლებმა წარსულში თაღლითობისთვის ნასამართლევი ეკატერინე ლაშხი დააკავეს.

გამოძიების ინფორმაციით, ეკატერინე ლაშხმა განიზრახა მოტყუებით
დაუფლებოდა სხვის თანხას. მან მეუღლის - არკადი ლაზარევის კუთვნილი ბინა
საბუთების გაყალბებით ხელმორედ დატვირთა იპოთეკით და მოქალაქე ლელუაშვილისა
და შარიქაძისგან 13,000 დოლარი ისესხა.

ეკატერინე ლაშხმა არც პირველი და არც მეორე რიგის იპოთეკართგან მიღებული
თანხა და მასზე დარიცხული პროცენტი არ გადაიხადა, რის გამოც ხსენებული
ბინა პირველი რიგის იპოთეკართა საკუთრებაში გადავიდა, ხოლო ლელუაშვილისა
და შარიქაძის მიერ გასესხებული თანხა დარჩა უზრუნველყოფის გარეშე. რითაც
დაზარალებულს დიდი ოდენობით მატერიალური ზიანი მიადგა.

დაკავებული აღიარებს მის მიერ ჩადენილ დანაშაულს. გამოძიება მიმდინარეობს საქართველოს სსკ-ს 180-ე მუხლით.